અંકલેશ્વર માં ચૂંટણી ફરજમાં રોકાયેલ પોલીસ કર્મચારીઓએ પોસ્ટલ બેલેટ પેપરથી મતદાન.કર્યું
શારદા ભવન ટાઉન હોલ ખાતે પોસ્ટલ બેલેટ પેપરથી મતદાન કરવાની સુવિધા ઉભી કરાય
પોલીસ અધિકારીઓ ,પોલીસ કર્મચારીઓ ,હોમગાર્ડ જીઆરડી ના કર્મચારીઓ એ મતાધિકાર નો ઉપયોગ કર્યો
એસવીએમ સ્કૂલ ખાતે પ્રિસાઇડીંગ અને મદદનીશ પ્રિસાઇડીંગ ઓફિસરે મતદાન કર્યું
અંકલેશ્વર ના શારદા ભવન ટાઉન હોલ ખાતે ચૂંટણી ફરજ માં જોડાયેલ પોલીસ અધિકારીઓ , પોલીસ કર્મચારીઓ હોમગાર્ડ અને જીઆરડી ના જવાનો એ બેલેટ પેપર દ્વારા મતદાન કર્યું હતું ,તો તરફ એસવીએમ સ્કૂલ ખાતે ચૂંટણી ફરજ માં રોકાયેલ પ્રિસાઇડીંગ અને મદદનીશ પ્રિસાઇડીંગ ઓફિસર ની તાલીમ સાથે બેલેટ પેપર દ્વારા મતદાન કરી મતાધિકાર નો ઉપયોગ કર્યો હતો
આગામી તા. 1 ડિસેમ્બરે ગુજરાતમાં વિધાનસભા ચૂંટણીને લઈને પહેલા તબક્કા નું મતદાન યોજાનાર છે,ગુજરાત વિધાનસભાની ચૂંટણી દરમ્યાન ચૂંટણી ફરજમાં રોકાયેલ પોલીસ અધિકારી પોલીસ કર્મચારીઓ મતદાનથી વંચિત ન રહી જાય તે માટે ભરૂચ જિલ્લા ચૂંટણી વિભાગ દ્વારા આજરોજ પોસ્ટલ બેલેટ પેપરથી મતદાન કરવાની સુવિધા ઉભી કરવામાં આવી હતી ત્યારે અંકલેશ્વર શહેર ના શારદા ભવન ટાઉન હોલ ખાતે પોલીસ કર્મચારીઓ માટે બુથ ઉભું કરવામાં આવ્યું હતું જેમાં પોલીસ અધિકારીઓ પોલીસ કર્મચારીઓ ,જીઆરડી અને હોમગાર્ડ ના જવાનો એ બેલેટ પેપર થી મતદાન કરી મતાધિકાર નો ઉપયોગ કર્યો હતો તો બીજી તરફ અંકલેશ્વર ચૂંટણી તંત્ર દ્વારા દિવા રોડ ઉપર આવેલ એસવીએમ સ્કૂલ ખાતે પ્રિસાઇડીંગ અને મદદનીશ પ્રિસાઇડીંગ ઓફિસર ની તાલીમ આપવામાં આવી હતી સાથે આ સ્કૂલ ખાતે ઉભા કરવામાં આવેલ બુથ ઉપર પ્રિસાઇડીંગ અને મદદનીશ પ્રિસાઇડીંગ ઓફિસરો એબેલેટ પેપર થી મતદાન કરી પોતાના મતાધિકાર નો ઉપયોગ કર્યો હતો ,આ મતદાન પ્રક્રિયા દરમ્યાન અંકલેશ્વર ના ચૂંટણી અધિકારી નૈતિકાબેન પટેલ ,મામલતદાર કરણસિંહ રાજપૂત ,હાંસોટ ના મામલતદાર હાર્દિક બેલડીયા સહીત ના અધિકારી ઓ ઉપસ્થિત રહ્યા હતા
