વાલિયા ની શ્રી રંગ નવચેતન મહિલા આર્ટ્સ કોલેજ ખાતે આઝાદી કા અમૃત મહોત્સવ અંતર્ગત બંધારણ દિવસ ઉજવણી તથા મતદાન જાગૃતિ અભિયાન અંતર્ગત મતદાન સંકલ્પ અને હું વૉટ કરીશ સહી જુંબેશ કાર્યક્રમનું આયોજન કરવામાં આવ્યું હતું.
વાલિયા ની શ્રી રંગ નવચેતન મહિલા આર્ટસ કોલેજ ખાતે ઈન્ચાર્જ આચાર્ય ડૉ.શર્મિલાબેન પટેલના માર્ગદર્શન હેઠળ ઈલેક્ટોરલ લિટરસી ક્લબ અને રાષ્ટ્રીય સેવા યોજના(એન.એસ.એસ.) પ્રોગ્રામ ઓફિસર પ્રા.ડૉ.દિલાવરખાન પઠાણ, પ્રા.ડૉ.દિનેશસિંહ રાજ અને પ્રા.ડૉ.શર્મિલાબેન પટેલ દ્વારા આઝાદી કા અમૃત મહોત્સવ અંતર્ગત બંધારણ દિવસ ઉજવણી કાર્યક્રમનું આયોજન કરવામાં આવ્યું હતું. આ કાર્યક્રમમાં ઈન્ચાર્જ આચાર્ય ડૉ.શર્મિલાબેન પટેલ દ્વારા કોલેજના વિદ્યાર્થીઓને તથા સ્ટાફગણને શિક્ષણ મંત્રાલય(ભારત સરકાર) અને વીર નર્મદ દક્ષિણ ગુજરાત યુનિવર્સિટી(સુરત) દ્વારા સૂચિત બંધારણ પ્રસ્તાવના ઓનલાઇન વાંચન અને બંધારણ દિવસ ઓનલાઇન ક્વિઝમાં ભાગ લેવા સૂચવવામાં આવ્યું હતું. જેમાં કોલેજના વિદ્યાર્થીઓ અને સ્ટાફગણે ઉત્સાહભેર ભાગ લીધો હતો. તદુપરાંત મતદાન જાગૃતિ અભિયાન અંતર્ગત મતદાન સંકલ્પ કાર્યક્રમનું આયોજન કરવામાં આવ્યું હતું. આ કાર્યક્રમમાં ઈન્ચાર્જ આચાર્ય ડૉ.શર્મિલાબેન પટેલ દ્વારા ભારતીય બંધારણના પરિચય, મહત્વ વિશે, વિદ્યાર્થીઓને માહિતગાર કરવામાં આવ્યા હતા તેમજ લોકશાહી વ્યવસ્થામાં મતદાનના મહત્વ વિશે સંક્ષિપ્ત વક્તવ્ય રજૂ કરવામાં આવ્યું હતું. હું વૉટ કરીશ સહી જુંબેશ કાર્યક્રમમાં ઈન્ચાર્જ આચાર્ય ડૉ.શર્મિલાબેન પટેલ, શૈક્ષણિક સ્ટાફગણ, વહીવટી સ્ટાફગણ, ઈલેક્ટોરલ લિટરસી ક્લબ તથા વિદ્યાર્થીઓ દ્વારા હું વૉટ કરીશ અને હું અવશ્ય મતદાન કરીશ બેનર પર સહી કરી કરવામાં આવી હતી.
